Mataimakin Shugaban Najeriya Kashim Shettima ya yi Allah wadai da hare-haren nuna ƙyamar baki da nuna wariya ga ƴan Najeriya da sauran ƴan Afirka a ƙasar Afirka ta Kudu, yana mai gargadin cewa Najeriya ba za ta sake lamuntar cin zarafin ƴan kasarta ba.
Shettima ya yi wannan jawabi ne a Luanda, babban birnin Angola, jim kadan kafin ya tafi Najeriya bayan ya wakilci Shugaba Bola Ahmed Tinubu a taron ƙoli na 21 na majalisar shugabannin ƙasashe na Tarayyar Afirka.
Mataimakin Shugaban Kasa Kashim Shettima ya ce Najeriya ta yi tsayin daka wajen warware matsalolin da ke tsakaninta da Afirka ta Kudu ta hanyar tattaunawa da kuma yin sulhu.
Ya kuma ce gwamnatin Tarayya za ta ci gaba da magana a duk lokacin da aka yi barazana ga tsaron ƴan Najeriya da mutuncinsu.
Duk da haka Shettima ya tuna rawar da Najeriya ta taka a gwagwarmayar ƴantar da ƙasashen kudancin Afirka, yana mai cewa abin takaici ne ganin ƴan Najeriya suna fuskantar wulakanci a ƙasar.
Ya kuma bukaci hukumomin Afirka ta Kudu da su kare rayuka da mutuncin ɗan Adam yayin da suke aiwatar da manufofin shige da fice na ƙasar.
Tuni dai Shettima ya bar birnin Luanda zuwa Najeriya.
The Review
PROS
- Good low light camera
- Water resistant
- Double the internal capacity
CONS
- Lacks clear upgrades
- Same design used for last three phones
- Battery life unimpressive
